بسم الله الرحمن الرحيم
الســــادة أولـــياء الأمــــور الــكـــرام
في بالي فكرة اتمنى أنها تعجبكم
و من عنوان الموضوع
شاركونا
أكيد ودكم أطفالكم يركبون الباص و يروحون رحلة ؟
وبنفس الوقت تكون الرحلة فيها إفادة و متعة و تسلية للأطفال..
طيب
ودي تشاركوني
بمقترحاتكم لرحلة مفيدة و ممتعة و مسلية لأطفالنا
و أتمنى أتمنى تشاركون أطفالكم الرحلة ... يا سلام فرحتهم بتصير فرحتين
أتمنى تزودوني بمقترحاتكم حول الرحلة حتى أعرضها على إدارة روضتنا
و إن شاء الله قريبا نطلع معا برحلة جميلة و ممتعة و مسلية لأطفالنا :)
أنتظر مقترحاتكم :)
هناك 11 تعليقًا:
السلام عليكم
اول فكره حلوه وراح نستمتع اكييد في هذي الرحله ومشكورة على هذي الفكره وانا اقترح المركز العلمي مفيد وراح نستمتع احنا واطفالنا
جزاج الله خير
ام احمد العازمى السلام عليكم : انا مع اختى ام الريان انها فكرة حلوة وجميله انااقترح ابراج الكويت لانها من معالم الكويت البارزةوراح يستفيدون اطفالنا ويستمتعون ويعطيك الف الف عافية
السلام عليكم ورحمة الله وبركاته،،،
والله الفكرة وايد حلوة وراح تكون وسيلة للتعارف ما بين أولياء الأمور والتقارب مابين الأطفال، وانا أقترح ديسكفري حيث توفر الألعاب المتنوعة والمطاعم المختلفة ومحلات بيع الالعاب والملابس وغيره...
( أم ريم)
ام الريان،،،
الحمدالله الإقتراح عجبكم وإن شاء الله راح أرفع الإقتراح لمديرة الروضة
أ/ إنتصار السمحان و إن شاء الله قريب نحدد موعد الرحلة
أم أحمد العازمي،،،
أشكرك على التجاوب السريع و إن شاء الله سوف أرفع الإقتراح لمديرة الروضة وبإذن الله قريبا سوف نحدد موعد الرحلة بإذن الله
أم ريم،،،
فعلا هذاالهدف من الرحلة و إن شاء الله يتحقق بإذن الله و إن شاء الله راح أرفع الإقتراح لمديرةالروضة و إن شاء الله قريبا نحدد موعدالرحلةبإذن الله
السلام عليكم
طبعا بالبداية اشكرج ابلة ردينه وابلة عنايد على جهودك الحلوة والجميلة واللي تفاجئونه بأشياء جميلة وافكار رائعة ما تخطر عالبال طبعا هذي الفكره حلوة وايد وايد وراح يستانسون الاطفال وايد ونا اقترح المركز العلمي لانه مفيد وايد وحق المراحل الياية للاطفال مع دخول سينما الايماكس راح يستانسون وايد ومشكورين
( أم جنى )
السلام عليكم ، الفكرة حلوة وانا عجبوني اقتراحين من الاخوات ( الاكواريوم أو الأبراج ) ويعطيكم العافية .
السلام عليكم
انا طرت علي فكره ابي اسئل كل ام متى رحتي المتحف العلمي اعتقد كلنا رحناه واحنا اصغار هم هذا مكان من زمان مارحناله واهم راح يستمعون فيه الاطفال بالحيوانات عزكم الله واخذي بعد آراء الامهات هل تعجبهم الفكره ومأيدينها
ويعطيج العافيه
السلام عليكم ورحمة الله وبركاته،،،
انا اطلعت على جميع الآراء المقترحة من قبل الأمهات الفاضلات وجميعها اقتراحات جميلة، كما أن اقتراح أم الريان سيعيد لنا ذكريات طفولتنا حيث كان المتحف العلمي وجهة كل مدارس الكويت بلا استثناء في تلك الفترة.
( أم ريم)
السلام عليكم......
عندى اقتراح ان شاء الله يعجبكم.......
انا دائما اودى عيالى للمتحف الوطني وداخل المتحف في القبه السماويه و متحف الشمع فيه الفريج الكويتي القديم و بيت البدر و بيت السدو و البوم الكويتي ، والصراحه دايما نستانس انا وعيالي مناك و فعلا الاطفال و اهاليهم راح يستانسون ، وصدقوني راح تردون مرة ثانيه تزورونه مع عيالكم لانه مفتوح الصبح والعصر و اتمنى انكم تقبلون هذه الفكرة .....
ام احمد العازمي،،،
إرسال تعليق