بسم الله الرحمن الرحيم
هاهي ايام قليلة و يرحل عنا شهر الخير والبركة شهر رمضان المبارك
و أسأل العلي القدير أن يتقبل منا صلاتنا و قيامنا و دعاؤنا و قرآتنا للقرأن
و كما تعلمون بعد إجازة العيد مباشرة يتم الإستعداد للعودة للمدارس
و أحببت أن أشاركم التقويم الخاص للعام الدراسي بمرحلة رياض الاطفال
و كل عام و انتم بخير
ملاحظة يمكن الضغط على الصورة لتكبيرها
مع تحيات / أبلة ردينه
هناك 4 تعليقات:
السلام عليكم ورحمة الله وبركاته
تقبل الله طاعتكم وان شالله نكون معاكم من المقبولين في هذا الشهر الكريم والمعتوقين من النار باذن الله.
وكل عام وانتم بالف خير
ونبارك لكم بداية العام الدراسي وان شالله يكون كله خير عليكم وعلى اطفالنا اللهم آمين
أم الريان ،،
اللهم آمين يتقبل منا و منكم صالح الأعمال :)
و أتمنى لكم عام دراسي ممتع إن شاء الله و مميز في روضة الشامية
السلام عليكم @
معاج أم جنى الشطي وصديقة إيمان العمران إلي تصيرلج وإنتي بنت خالتها ترى وصلتلها سلامج وهي بعد إتسلم عليج وايد وتقولج ما أوصيج على إبنيتج جنى @
ومشكوره وايد وايد على ما بذلتوموه من جهود مع أطفالنا إنتي وأبله عنايدومدى إهتمامكم فيهم وإعطاء كل طفل حقه ومساواتهم ككل مافي تفرقة بينهم وعلى غرس محبة الطفل للمدرسة بصراحة يعطيج العافية ...
وسلامات ياالغالية وما تشوفين شر يا أبله ردينه بصراحة فقدناج في يوم التخضير مكانج حيل إمبين .
وبصراحة بنتي جنى حيل فاقدتج كل يوم تسأل عنج وين أبله ردينه متى ترجع أحبها وايد ؟
من غير شر حتى إحنا فاقدينج إنشاء ترجعين لنا بالسلامه وما تشوفين شر ياالحبيبة ولابأس طهور إنشاء الله .
السلام عليكم @
يا أبله ردينه الحمد الله على سلامتج وما تشوفين شر والحمد لله رجعتيلنا بالسلامة من غير شر معاج / أم جنى الشطي بصراحة إستانست وايد يوم شفتج اليوم وآنا أوصل بنتي عند النشاط ، عيل اليوم جنى الشطي مستانسه وايد لأنها تحبج وايد وايد كله تسأل عنج .
عسى الله يحفظج ويبعدج عن كل مكروه .
حبيت أقولج يا أبله ردينه عن المدونه ليش آنا رسلتلج من قبل رسالة وإنتي في إجازة مرضية وآنا كل ما أفتح المدونه ما أشوف ردج علي بس ألقى ردج على الباقي فياليت تقوليلي إذا آنا أستعمل المدونه بالخطأ علشان أعرف الصح وأراسلج عليها وأكون مع إلى يراسلون لج ومشكورة وجزاج الله خيرا .
إرسال تعليق